ⅰ ⓛⓞⓥⓔ CYRUSKO™ 囍

唔知唔觉我去做老师都成两个几月噜，讲都唔信我会有做老师既呢一日，失礼晒。。。就算我E家同D F讲：“喂～我做左老师播～”，我啉10个有9个半都唔信我嘎喇。。。连我自己以前读书时都好唔like“教书”呢份工。同你地讲，我啊企上个讲台就面都红嘎啦，更唔好话要做老师啦～～觉得总之我天生就唔系当老师既料～～and then～点知，今日真系。。。

不过～话又讲翻翻来，响我做老师之前，正系我人生低谷期，我有好大段时间都好迷茫，好down下～so，有一个机会俾我去改变一下自己，甘～～鼓起左勇气，米去试下囖。。。点知学校D领导又甘俾面，真系收左我喔～唉，呢个世界咩都有可能发生嘎喇～～

甘讲翻吖，做老师同响企业做果种感觉又确系唔同既，待遇唔算差～而且最重要系开心囖～我衣加有百几个学生嘎喇，啉翻都觉得几有成就感～

讲翻班学生仔，一开学我啉住我上课，一定系全班集体旷课，或者全班同学仔都会俾我催眠嘎啦～点知，距地比我想象中乖好多。。。“老师”前“老师”后甘，又好俾面我，旷课既人基本无乜，又好少人训教喔～落课都有同学留低问问题添～～系喇，最感动既一次就系教师节，我竟然都有贺卡收喔～哇～～得到人地既认可同尊敬，生平第一次有呢种受尊敬既感觉。。。呢D米叫真正既开心囖～～哈哈～同班同学仔混熟左，发觉距地对我都好好嘎，成个人既心态都年轻晒～仲有好多点点滴滴既趣事～真系好多谢各位同学仔啊～～！！

我衣家响学校教design，可以有稳定既收入，可以教人地知识，又唔洗同我心爱既设计行业脱节。。。所以我衣家慢慢中意左呢份工，我会俾心机去做～！刚入行，有好巨大既问题同压力等住我去克服：我衣家一个星期24节课（全系之冠），3门课程，教4个班，仲要做埋班主任。。。你都米话唔辛苦～唉～既然做得呢行咯，我就要做好距嘎啦。。。

衣家先逐渐体会到，其实个个学生仔都系好好学既，距地好似一张白纸甘，就睇老师点去刻画距地了。我做得呢个位，就真系要想尽办法教好距地，当距地系我D仔仔女女甘去呵护～任务好艰巨嘎～我会奸巴爹既呢～！

  

公元2008年11月16日，今日见到爷爷好安详甘训左响度，我地都放心喇～

我知道爷爷真系走了。。。爷爷您走好，希望你以后响天国都可以开开心心，永远无烦恼啦！

今天系公元2008年11月13日，一个突如其来既日子。8个几小时前（凌晨两点），我最敬爱既爷爷永远离开左我地。。。我真系衣家都仲未接受岛，我知道爷爷依然仲响我地身边！个脑一片空白，打字，只手震到都好似唔听使甘。。。

我衣家都未接受岛我亲爱既爷爷，离开左我，离开左呢个世界既事实。。。爷爷既语调（爷爷经常讲一口十分唔纯正既广州话，呢个系爷爷既特色），距既笑容，对我讲既每句训话，每一句嘘寒问暖仍然在我耳边回响，一切都太快太突然了。。。

爷爷距系一个好爱讲野既人，总系有讲唔尽既话，煲电话粥系距平时最中意做既野，哈哈～距老人家好爱食湖北既米酒、红烧肉，唔中意饮广东人既靓汤（鲫鱼汤除外），又好中意食M记既麦辣鸡腿堡、饮果度既朱古力奶。。。系喇，正话见妈妈整理爷爷既东西时，仲见岛爷爷最爱既MP4呢，见岛爷爷听过既果对耳塞！写到呢度，我个鼻真系好酸。。。

寻晚凌晨，当我得知呢个噩耗，我并无喊，不过全身不由自主甘打冷震，不停甘喘气，不停用手戳自己块面，好希望一切都系发紧梦。。。以前总系觉得死亡离我们可能有D遥远，但系今日却实实在在发生响我至亲既亲人——爷爷身上。。。

或者我系长孙既缘故，爷爷从细就对我特别既爱锡，俾我食最好、穿最好、玩最好。。。距老人家对我亦好多期望嘎。得知噩耗后我无数个好后悔，爷爷您辛劳左一辈子、受了一辈子既苦，无享过福。。。作为孙仔我后悔自己无让您好好享福，后悔未完成爷爷交带比我既事情，甚至好遗憾无响爷爷身边陪伴距老人家度过人生最后既一秒（但系不幸中既万幸，系我地全家响爷爷走既前一个几小时，去看望过距。听医生讲，爷爷响我地离开医院后，就好似放低左一个包袱、松左口气，成个人放松晒）。。。爷爷长年患有呼吸系统既毛病，病痛折磨得距老人家好辛苦，或者今日爷爷走左，对于距老人家来讲系一种解脱呀。

两个月前爷爷既病突然加重，并且送左入ICU（重症监护室，一个家属都唔可以进去探病、可以讲与世隔绝既地方）。因为要上呼吸机，爷爷从入ICU，到走，我们都无听到距老人家片言只字，我地都只可以遗憾终生了。。。唉，一切后悔都已经变得太迟，距老人家已经乘鹤西去。。。

爷爷，感谢您26年来对我既操劳，感谢您为我地高家作出既一切奉献，辛苦晒，谢谢您！

爷爷，您走好，我一定会好好照顾自己同奶奶、爸爸妈妈、姑姐、二叔、表姐、表妹地全家人既，我会承担起头家，让屋企人过起幸福既日子。虽然你走左，但系我相信，我地全家同爷爷您个心永远永远都系连响一齐既。我一定唔会辜负您对我既期望，虽然您睇唔岛了，但系一定会感觉岛，请您放心！！

         2008年11月13日 

                                                                                                       乖孙：高广宇 

来左北京都有四日喇，今次来北京系好突然，记得系啊艺晓响出发前既一晚先通知我，哇开始仲以为距玩我添，一切都来得太突然，到我坐响部飞机度都好似梦游甘，后来先知原来系一个新任务——中央台准备开一个购物频道,我地要去做d前期推广野。。。去到北京第一个感觉就系热，仲话得两度，边只吖。。接住就去同已经提前来左北京d大佬会师。响北京分公司开会。。。

来北京四日我地都好忙，为左今日去中央台既提案，唔好话去行街，连训教都无时间，原来出差真系同自由行唔同。。值得安慰既系我地呢几日既辛苦系值得既，今日既提案得到左客户既肯定！大佬今晚奖励我地，放我地休息一晚，O岩O岩仲请我地食麻辣龙虾添～

今次点都系我第一次出差，虽然好多野做，但可能新鲜啦，我仲系几中意呢种感觉，学到几多野嘎。而且我觉得北京系一个好正既城市，好有FEEL。。希望以后时时有得去下，不过最好唔洗甘忙啦～

讲住甘多先，眼训喇。。。

3.27北京＊＊旅店仔 AM

睇翻自己刚刚入公司既相，发觉E家自己真系肥左好多，因为无时间运动囖。上星期自己好有决心甘去左“力美健”仲交左一百蚊订金（唔好听到“力美健”就惊喔，做JIM原来有分“肌肉型”同埋“线条型”嘎，我系为左减肥，所以简左“线条型”，唔会变大只佬！），林住去修修个腩，点知呢期又狂加班，一百蚊可能就甘融左，其实都可能系自己懒啦，响度稳籍口～